1 ივლისიდან სოციალურად დაუცველი ბავშვების დახმარება იზრდება
2023 წლის პირველი ივლისიდან სოციალურად დაუცველი ბავშვების დახმარება გაიზრდება და 200 ლარი გახდება. ამის შესახებ საქართველოს პრემიერ-მინისტრმა, ირაკლი ღარიბაშვილმა განაცხადა.
ჯანდაცვის სამინისტროს ინფორმაციით, დახმარება შეეხება ოჯახებს, რომელთა ქულა 120 ათასამდეა.
შეგახსენებთ, რომ აქამდე სოციალურად დაუცველი ბავშვები, რომელთა ოჯახის ქულა 120 ათას არ აღემატებოდა 150-ლარიან დახმარებას იღებდნენ.
ჯანდაცვის სამინისტროს განცხადებით, დამატებითი ინფორმაცია ეტაპობრივად გახდება ცნობილი.
წყარო: „პრაიმტაიმი“
