ხარაგაულში, მეწყერში მოყოლილი კაცი დაღუპული იპოვეს
მაშველებმა, ხარაგაულის სოფელ მარელისში, მეწყერში მოყოლილი კაცის ცხედარი იპოვეს.
72 წლის კაცს მაშველები მესამე დღეა ეძებდნენ.
სამძებრო-სამაშველო სამუშაოებში მძიმე ტექნიკა, ცოცხალი ძალა და კინოლოგები იყვნენ ჩართული.
არსებული ინფორმაციით, მწყემსი 1 ივლისის ღამეს დაკარგულ პირუტყვს ეძებდა, როცა მიწა ჩამოიშალა და მოიყოლა.
მეწყრული პროცესების შედეგად მიწის მასა ჩავიდა ლიანდაგებზეც, რის გამოც სარკინიგზო გადაადგილება დასავლეთ და აღმოსავლეთ საქართველოს შორის შეწყვეტილია. ადგილზე გეოლოგები მუშაობენ.
