ჩვენ მასთან არაფერი გვაქვს სადებატო - არჩილ თალაკვაძე სააკაშვილს პასუხობს
საქართველოს პარლამენტის თავმჯდომარის მოადგილე, არჩილ თალაკვაძე ექსპრეზიდენტ, მიხეილ სააკაშვილის მიერ დებატებში მონაწილეობის მოთხოვნას გამოეხმაურა და განაცხადა.
"სააკაშვილი არის დებატებში საკუთარ ქვეყანასთან და საკუთარ თავთან, ჩვენ მასთან არაფერი გვაქვს სადებატო. ის არის პატიმრობაში და ჩვენ, როგორც სახელმწიფო ვზრუნავთ მაქსიმალურად, რომ მისი უფლებები იყოს დაცული. ვამბობდით და კიდევ ერთხელ გამოჩნდა ეს სტრასბურგის გადაწყვეტილების შემდეგ, რომ არის 2 მთავარი პირობა - მიხეილ სააკაშვილმა ითანამშრომლოს ექიმებთან და ასევე მაქსიმუმი უნდა გააკეთოს კვების აღდგენის კუთხით,"- აცხადებს თალაკვაძე.
