8 წლის წინ დაკარგული ახალგაზრდა ცოცხალი იპოვეს
აშშ-ში, 8 წლის წინ დაკარგული ბიჭი ცოცხალი იპოვეს. ინფორმაციას უცხოური მედია ავრცელებს.
რუდი ფარიასი 2015 წლის მარტში სახლიდან ძაღლების გასასეირნებლად გავიდა და გაუჩინარდა. მაშინ ის 17 წლის იყო. 8-წლიანი ძებნის შემდეგ ახალგაზრდა მამაკაცი, სრულიად შემთხვევით, უგონო მდგომარეობაში ეკლესიასთან იპოვეს.
ფარიასი მკურნალობის კურსს გადის და ამ ეტაპზე უცნობია სად იმყოფებოდა ამ დროის განმავლობაში.
