ავტობუსი ხევში გადავარდა - დაიღუპა 29 ადამიანი
მექსიკის შტატ ოახაკაში ავტობუსის ხევში გადავარდნას, სულ მცირე, 29 ადამიანი ემსხვერპლა, ხოლო 19 - დაშავდა. ინფორმაციას Reuters-ი ავრცელებს.
როგორც ადგილობრივი ხელისუფლება იუწყება, 12 დაშავებული მგზავრის მდგომარეობა კრიტიკულია. დაღუპულ მგზავრებს შორის ერთი ჩვილია.
გავრცელებული ინფორმაციით, მძღოლმა, სავარაუდოდ, მართვის კონტროლი დაკარგა.
