მარნეულში 19 წლის გოგო მშობიარობის შემდეგ გარდაიცვალა
მარნეულის მუნიციპალიტეტის სოფელ ბეილერში მცხოვრები 19 წლის ტარანა სადიგოვა მშობიარობიდან მალევე გარდაიცვალა.
გოგომ მშობიარობის მიზნით მარნეულის კლინიკა „ჯეო ჰოსპიტალს“ მაისში მიმართა.
აღნიშნულ ქალს მშობიარობისას მძიმე სისხლდენა აღენიშნებოდა, რის შემდეგაც, ოჯახის დაჟინებული თხოვნით, სასწრაფო დახმარების მანქანით თბილისის ერთ-ერთ საავადმყოფოში გადაიყვანეს.
არსებული ინფორმაციით, ქალი თბილისში, ხელოვნურ სუნთქვის აპარატთან მიერთებული 2 თვის განმავლობაში იმყოფებოდა.
გარდაცვლილის ახლობლები გარდაცვალების ფაქტზე გამოძიებას ითხოვენ.
წყარო - "პრაიმ ტაიმი"
