„კარგად იხარშება ამასობაში რუსებთან ერთად ეკონომიკა? როგორია დუღილის გრადუსი?“ - ქაცარავა მთავრობას
ანტისაოკუპაციო მოძრაობის ლიდერი, დავით ქაცარავა ოკუპანტების მიერ, მეჯვრისხევის ტერიტორიიდან საქართველოს 6 მოქალაქის გატაცებას ეხმაურება და სოციალური ქსელის მეშვეობით საქართველოს მთავრობას მიმართავს.
„დღეს სოფელ მეჯვრისხევიდან ოკუპანტებმა ჩვენი 6 მოქალაქე გაიტაცეს.
გატაცება მომხდარა გუშინ საღამოს.
როგორც ჩვენ შეგვატყობინეს, დიდი ალბათობით, ოკუპანტებმა ჩვენი მოქალაქეები ღრომის საოკუპაციო ბაზაზე გადაიყვანეს.
საქართველოს მთავრობა, კარგად იხარშება ამასობაში რუსებთან ერთად ეკონომიკა?
როგორია დუღილის გრადუსი?“ - წერს ქაცარავა.
