„შეგვეშვით კაცო, დაგვანებეთ თავი!..“ - ვის მიმართავს ნინო ჯანგირაშვილი?
ჟურნალისტი, ნინო ჯანგირაშვილი საქართველოს ექსპრეზიდენტის, მიხელ სააკაშვილის მიერ გუშინ გავრცელებულ განცხადებას ეხმაურება და წერს.
„როგორ მეზარება ამ თემაზე სტატუსის წერა, მაგრამ ძალიან ამოვიდა ყელში. ჩემი პირადი ცხოვრება მაქვს ბოქლომებით დაცული. ვინმე შემომეჭრება, ეტირება დედა. არ ვრეაგირებ არანაირ ჭორზე, ტალახზე, არ განვიხილავ საჯაროდ. გინახავთ ოდესმე აქ ჩემი პირადი გრძნობების გამოფენა? ან შვილის ხსენებაც კი? არა, იმიტომ რომ ასე მესმის მე ჩემი პირადი ცხოვრების დაცვა. პრეზიდენტი კაცი, საკუთარ ოფიციალურ გვერდზე აქვეყნებს სტატუსს, რომელი ქალი უყვარს ყველაზე ძალიან. მერე დარბიან სექტანტები და პირად ცხოვრებაში ნუ ერევითო, ნუ განიხილავთო. აბა თუ მიხვდებით, რომ ეს პირადი ცხოვრება კიარა, ოფიციალური განცხადებაა. შეგვეშვით კაცო, დაგვანებეთ თავი. გაერკვიეთ თქვენ თვითონ. ოღონდ რაღაცეებზე თუ არ შევთანხმდით და თავისი სახელი არ დავარქვით, ასე აბსურდულ კომედიაში ვიქნებით სულ“,- წერს ჯანგირაშვილი.
ცნობისთვის, მიხეილ სააკაშვილმა „ფეისბუქის“ ოფიცილურ გვერდზე წერილი გამოაქვეყნა: "ყველანაირი ბინძური ჭორის გასაფანტად, ჩემი პირადი ცხოვრება ახლა და მომავალშიც მთლიანად უკავშირდება სოფოს და იმ დიდ სიყვარულს, რომელიც გვაკავშირებს მე, მას და ალისას".
