რუსული Red Wings დღეს ქუთაისის მიმართულებით პირველ რეისს შეასრულებს
რუსული ავიაკომპანია Red Wings დღეიდან მოსკოვიდან ქუთაისის მიმართულებით რეგულარულ ფრენებს იწყებს.
არსებული ინფორმაციით, აღნიშნული ავიაკომპანია სანქცირებულია დასავლეთის მიერ. ასევე ავიაკომპანიას, რუსეთის მიერ ოკუპირებული აფხაზეთის რეგიონი, მათ ოფიციალურ საიტზე, დამოუკიდებელ სახელმწიფოდ ჰყავს მითითებული.
რეისი ქუთაისის აეროპორტში დღეს, 23:00 საათზე ჩამოფრინდება.
სამოქალაქო აქტივისტები და ოპოზიცია გეგმავს, რომ აღნიშნულ რეისს პროტესტით დახვდნენ.
ცნობისთვის, რუსეთმა 10 მაისს საქართველოსთან პირდაპირ ფრენებზე შეზღუდვა მოხსნა.
