დაპირისპირება თბილისის ცენტრში - ერთ-ერთ პირს ბლაგვი საგნით დაზიანებები მიაყენეს
თბილისის ცენტრში, ჭოველიძის ქუჩაზე, გვიან ღამით, რამდენიმე ახალგაზრდას შორის ფიზიკური დაპირისპირება იყო.
ადგილზე საგამოძიებო მოქმედებები უკვე დასრულდა. კრიმინალური პოლიციის თანამშრომლებმა კამერების ჩანაწერები ამოიღეს.
ერთ-ერთ პირს, 25 წლამდე კაცს ბლაგვი საგნით მრავლობითი დაზიანებები აქვს მიყენებული, რის გამოც ის კლინიკაში გადაიყვანეს.
მომხდარზე გამოძიება შინაგან საქმეთა სამინისტრომ სისხლის სამართლის კოდექსის 120-ე მუხლით დაიწყო, რაც ჯანმრთელობის განზრახ მსუბუქ დაზიანებას გულისხმობს.
