ქუთაისის საერთაშორისო აეროპორტმა მუშაობა განაახლა
ქუთაისის საერთაშორისო აეროპორტის განცხადებით, მუშაობა დაგეგმილზე 3 საათით ადრე განაახლეს და რეისებს ჩვეულ რეჟიმში იღებენ.
მათივე ცნობით, 04:00 საათზე დორტმუნდისა და ბარსელონას რეისები შესრულდა.
"საქართველოს აეროპორტების გაერთიანებისა და ქუთაისის საერთაშორისო აეროპორტის გუნდის ოპერატიული მუშაობის შედეგად, შესაძლებელი გახდა ქუთაისის საერთაშორისო აეროპორტის დაგეგმილზე ადრე გახსნა.
07:30 საათზე ქუთაისიდან სალონიკის მიმართულებით შესრულდება რეისი. აეროპორტის ოპერირების დროებით შეჩერება უხვმა ნალექმა და გადაუღებელმა წვიმებმა გამოიწვია. აეროპორტის ტერიტორიაზე აქტიურად მუშაობს ექსპერტთა ჯგუფი, რომლებიც ვითარებას ადგილზე სწავლობენ", - ნათქვამია განცხადებაში.
ცნობისთვის, გუშინ ძლიერი წვიმის გამო ქუთაისში, კოპიტნარის აეროპორტი დაიტბორა და ჭერის ფრაგმენტები.
