მოლდოვა დსთ-ის დატოვების პროცედურებს იწყებს
მოლდოვა დამოუკიდებელ სახელმწიფოთა თანამეგობრობის (დსთ) ნდატოვების პროცედურებს იწყებს. ამის შესახებ ადგილობრივი მედია წერს.
გავრცელებული ცნობით, ოფიციალურმა კიშინოვმა, დსთ-ს სამი შეთანხმების გაუქმება გადაწყვიტა.
შეთანხმებები, რომელთა გაუქმებასაც მოლდოვა ითხოვს, დსთ-ს ქვეყნებში მცირე ბიზნესის მხარდაჭერას, დსთ-ს წევრ სახელმწიფოებთან ერთად ერთიანი საგანმანათლებლო სივრცის ფორმირებას და სასაზღვრო ძალებისთვის სპეცტექნიკის შეღავათიან ფასებში გადაცემას მოიცავს.
აღნიშნული შეთანხმებები მოლდოვამ დსთ-ს ქვეყნებთან 1990-იან წლებში გააფორმა.
