რუსებმა ზაპოროჟიეს სოფლის საკრებულოს შენობა დაბომბეს - არიან დაშავებულები
უკრაინის პრეზიდენტის ოფისის ხელმძღვანელის, ანდრეი ერმაკის ინფორმაციით, რუსებმა ზაპოროჟიეს რაიონის სოფლის საკრებულოს შენობა დაბომბეს. ავიაიერიშის შედეგად დაშავდა სამი მშვიდობიანი მოქალაქე.
"რუსებმა დაბომბეს სოფელი სტეფნოჰირსკე, ისინი თავს დაესხნენ საკრებულოს ადმინისტრაციულ შენობას. სამი ადამიანი დაშავდა : ორი ქალი და ერთი კაცი" - წერს ერმაკი.
შეგახსენებთ, 2022 წლის 24 თებერვალს რუსეთის არმია უკრაინაში შეიჭრა.
