უკრაინამ რუსეთში დეპორტირებული 383 ბავშვი დაიბრუნა
უკრაინამ საბრძოლო მოქმედებების დროს რუსეთში დეპორტირებული 383 ბავშვი დაიბრუნა. უკრაინელ ბავშვებს ქვეყნის პირველ ლედი, ოლენა ზელენსკა და სამხრეთ კორეის პირველ ლედი შეხვდნენ.
„დღეისთვის სამშობლოში მხოლოდ 383 უკრაინელი ბავშვის დაბრუნება შევძელით. რუსეთის ფედერაცია ჩვენი ბავშვების შესახებ ინფორმაციას არ გვაწვდის და არაა დაინტერესებული იმაში, რომ ოჯახები ხელახლა გაერთიანდნენ“, - დაწერა უკრაინის უმაღლესი რადას ადამიანის უფლებათა კომისარმა დმიტრი ლუბინეცმა „ტელეგრამის“ პირად არხზე.
