რუსეთი საჭიროების შემთხვევაში კასეტურ ბომბებს გამოიყენებს - პუტინი
მოსკოვი უფლებას იტოვებს, გამოიყენოს კასეტური ბომბები, თუ ასეთ საბრძოლო მასალებს გამოიყენებენ უკრაინაში რუსული ძალების წინააღმდეგ - ამის შესახებ რუსეთის პრეზიდენტმა, ვლადიმერ პუტინმა განაცხადა.
„რა თქმა უნდა, თუ ისინი ჩვენ წინააღმდეგ გამოიყენებენ კასეტურ იარაღს, ჩვენ ვიტოვებთ უფლებას, მივიღოთ საპასუხო ზომები“, – თქვა პუტინმა.
შეგახსენებთ, კასეტური საბრძოლო მასალების გამოყენება აკრძალულია მსოფლიოს 100-ზე მეტ ქვეყანაში.
