საქართველოში პოლონეთის ელჩი საგარეო საქმეთა სამინისტროში დაიბარეს
კლინიკა "ვივამედში" მომხდარ ინციდენტთან დაკავშირებით პოლონეთის ელჩი საგარეო საქმეთა სამინისტროში დაიბარეს. საგარეო უწყება უცხოელი ექიმის მიერ, მიხეილ სააკაშვილის ბიოლოგიური მასალის გატანის მცდელობასთან დაკავშირებით განმარტებებს ელის.
შეგახსენებთ, სპეციალური პენიტენციური სამსახურის ცნობით, პოლონელი ექიმი საქართველოს მესამე პრეზიდენტ მიხეილ სააკაშვილისაგან აღებული ნიმუშების გატანას მალულად, ფეხსაცმლის საშუალებით ცდილობდა. უწყებამ შესაბამისი ვიდეოკადრებიც გაავრცელა.
