15 წლის გოგონას მოტაცებაში ბრალდებულ 4 პირს სასამართლომ გირაო შეუფარდა
15 წლის გოგონას მოტაცებაში ბრალდებულ 4 პირს სასამართლომ გირაო შეუფარდა. 4 დაკავებულს შორის ერთ-ერთი არასრულწლოვანია.
გამოძიებით დადგინდა, რომ 15 წლის გოგოს საკუთარ ბიძაშვილზე ქორწინებას აიძულებდნენ. მოზარდი ფონიჭალის დასახლებაში, ნათესავის ქორწილში იმყოფებოდა, საიდანაც სიძემ, სიძის ძმამ და კიდევ ორმა მეგობარმა მოიტაცა.
ბრალდებულების ადვოკატი აცხადებს, რომ სასამართლო გადაწყვეტილება გირაოსთან დაკავშირებით არის მართებული, ვინაიდან ბრალდებულები თანამშრომლობენ გამოძიებასთან და არ არსებობს მიმალვის საფრთხე. ბრალდების მხარე კი გადაწყვეტილების გასაჩივრებას გეგმავს.
