საქართველოში ორი მიწისძვრა მოხდა
საქართველოში წუხელ ორი მიწისძვრა მოხდა.
სეისმური მონიტორინგის ეროვნული ცენტრის ცნობით, მიწისქვეშა ბიძგები თავდაპირველად ქალაქ დედოფლისწყაროს სამხრეთ-დასავლეთით, სოფელ გამარჯვებასთან დაფიქსირდა. მეორე მიწისძვრა კი ქალაქ დმანისთან, სოფელ მამიშლართან მოხდა.
სოფელ გამარჯვებაში დაფიქსირებული ბიძგების სიმძლავრე 3,2 მაგნიტუდა იყო, სიღრმე კი 10 კილომეტრი. იგი თბილისის დროით 06:38 საათზე მოხდა.
სოფელ მამიშლარში მიწისძვრის სიმძლავრე 3,1 მაგნიტუდა იყო, სიღრმე 5 კილომეტრი და იგი 08:54-ზე დაფიქსირდა.
