რატომ არ შეიძლება სიცხეში ნაყინის სწრაფად ჭამა?
ნაყინის სწრაფად მირთმევის შემთხვევაში, ადგილი აქვს ზედა სასუნთქი გზების მკვეთრ გადაციებას, რამაც შეიძლება
გამოიწვიოს გაციება და მწვევე რესპირატორული დაავადება. ტემპერატურის მკვეთრი ცვლილება ასევე დამატებითი სტრესია ორგანიზმისთვის.
იგივე ითქმის ცივ სასმელებზე. არაა აუცილებელი თბილი წყლის დალევა, მაგრამ მცირე ყლუპებით დალევისას, წყალი პირის ღრუში გათბობას მოასწრებს. უმჯობესია გრილი წყლის დალევა. ნაყინზეც არ უნდა ვთქვათ უარი, მხოლოდ უნდა მივირთვათ ნელა, მცირე ნაწილებად.
ცხელ ამინდში უმჯობესია დავლიოთ ჩვეულებრივი წყალი, ჩაი, კომპოტი, წყალი ლიმონის, კენკრის, ხილის წვენით. არასასურველი არჩევანია რძის კოქტეილები, ტკბილი გაზიანი სასმელები. რძის კოქტეილში ბევრი შაქარი, ცხიმი, არომატიზატორი და კალორიაა. მისი ჩანაცვლება შესაძლებელია კეფირით, მაწონით, აირანით.
ყავაზეც შეიძლება უარი ვთქვათ, რადგანაც ის იწვევს გაუწყლოებას, რაც სიცხეში ძალიან საშიშია.
