ხორვატიაში საქართველოს საელჩო იხსნება
ხორვატიაში საქართველოს საელჩო იხსნება. ამის შესახებ საქართველოსა და ხორვატიის პრემიერ-მინისტრების ერთობლივ ბრიფინგზე გახდა ცნობილი.
ხორვატიის პრემიერ-მინისტრმა ანდრეი პლენკოვიჩმა თქვა, რომ „საქართველოს საელჩო დღეს ზაგრებში გაიხსნება“.
საქართველოს პრემიერ-მინისტრის, ირაკლი ღარიბაშვილის თქმით, ეს ნიშნავს, რომ ორ ქვეყანას შორის ურთიერთობები გაღრმავდება.
