ავარია ნინოწმინდა–წალკის გზაზე - არიან დაშავებულები
ნინოწმინდა-წალკის საავტომობილო გზაზე, ავტოსაგზაო შემთხვევის შედეგად ერთი პირი დაშავდა, რომელიც ნინოწმინდის კლინიკაშია გადაყვანილი.
არსებული ინფორმაციით, მძღოლმა საჭე ვერ დაიმორჩილა და გზის სავალი ნაწილიდან გავარდა.
როგორც რეგიონული გამოცემა "სამხრეთის კარიბჭე" წერს, დაშავებულს ნინოწმინდის კლინიკაში შესაბამისი გამოკვლევები ჩაუტარდა, თავს კარგად გრძნობს და კლინიკას მალე დატოვებს.
