"ღმერთო, უშველე ამ ადამიანებს!" - მძიმე კადრები იტალიიდან, სადაც სტიქია მძვინვარებს (ვიდეო)

ჩრდილოეთ იტალიაში შტორმი და ძლიერი ქარი მძვინვარებს, სიცილიაზე - ხანძრები.

ტყის ხანძარმა იტალიაში 7 ადამიანი იმსხვერპლა. ხანძრების გამო, 2 ათასზე მეტ ადამიანს საცხოვრებლის იძულებით მიტოვება მოუხდა. ცეცხლის გაჩენის მიზეზად გაუსაძლისი სიცხე სახელდება.

ჰაერის ტემპერატურა იტალიაში უკვე კვირაზე მეტია 47-48 გრადუსს აღწევს.

ამავდროულად, იტალიის ჩრდილოეთ რეგიონებში შტორმები და ძლიერი ქარი ფიქსირდება.  ზოგიერთ ადგილას ტენისის ბურთის ზომის ქვებმა ხალხი, მანქანები და მოსავალი დააზიანა. ქალაქ ბრეშიასთან 16 წლის გოგო გარდაიცვალა მას შემდეგ, რაც მის კარავს ხე დაეცა. მილანთან, ქალაქ ლისონში კი საშუალო ასაკის ქალს ხე დაეცა და დაიღუპა.

"ქართველებო, მოიწერეთ როგორ ხართ?“ , „ღმერთო, უშველე ამ ადამიანებს!“, - წერენ სოციალურ ქსელში.

წყარო - "პრაიმ ტაიმი"