"კატეგორიულად ვგმობ და ვაპროტესტებ სოხუმის აეროპორტის რუსეთისთვის გადაცემის გადაწყვეტილებას" - პრეზიდენტი
სოხუმის აეროპორტის რუსეთისთვის გადაცემის გადაწყვეტილებას საქართველოს პრეზიდენტი გმობს და საერთაშორისო საზოგადოების კატეგორიულ და მტკიცე რეაქციას ითხოვს.
"კატეგორიულად ვგმობ და ვაპროტესტებ დროებით ოკუპირებული აფხაზეთის ე.წ. პარლამენტის გადაწყვეტილებას სტრატეგიული მდებარეობის - სოხუმის აეროპორტის რუსეთისთვის გადაცემის შესახებ.
რუსეთის უკანონო ქმედება, მოითხოვს საერთაშორისო საზოგადოების კატეგორიულ და მტკიცე რეაქციას!", - წერს ზურაბიშვილი.
შეგახსენებთ, დროებით ოკუპირებული აფხაზეთის ე.წ პარლამენტმა რატიფიცირება გაუკეთა სოხუმის აეროპორტში აქტივობების გაგრძელების შესახებ დოკუმენტს, რომელიც რუსულ მხარეს საშუალებას მისცემს აეროპორტი საკუთარი შეხედულებების მიხედვით მართოს.
I strongly condemn and protest the decision by so-called parliament of temporarily occupied Abkhazia to transfer strategic location - Sokhumi airport to 🇷🇺
Illegal act by Russia that requires a categorical and firm reaction of the international community! #AbkhaziaIsGeorgia — Salome Zourabichvili (@Zourabichvili_S) July 27, 2023
