რატომ არ ყვავის ია? - ყვავილის მოვლის 6 წესი

დიდი ხანია, სახლში ია გყავთ, თუმცა მისი ყვავილობა ჯერ არ გინახავთ? სპეციალური სასუქები უკვე სცადეთ და შედეგი მაინც არაა? გააგრძელეთ კითხვა და გაიგეთ, რას აკეთებდით არასწორად.

როგორ მოვუაროთ იას

1. რაც უფრო დიდი ზომისაა ქოთანი, მით უფრო საეჭვოა მცენარის აყვავება. ალბათ, ყვავილზე ზრუნვის მიზნით, იგი ძალიან დიდ ჭურჭელში გადარგეთ, ამიტომაცაა, რომ ყვავილი არ ყვავის. ასეთ შემთხვევაში, ია წვნიან, მკვეთრი ფერის ფოთლებს გამოიღებს.

2. იას ფხვიერი, მსუბუქი და მკვებავი ნიადაგი უყვარს. შეიძინეთ ნიადაგის ახალი ნარევი მცენარეთა მაღაზიაში.

3. ნუ გაგიტაცებთ სასუქები! იის აზოტის სასუქებით პერიოდული შესუქება იწვევს დიდი ზომისა და მკვეთრი ფერის ფოთლების გაზრდას. ამ სახით, იას აყვავებას ვერ აიძულებთ.

4. ია ცუდად ყვავის ისეთ ოთახში, სადაც ჰაერი ძალიან მშრალია. განსაკუთრებით აქტუალურია ზამთრის პერიოდში, როცა ბინისა და ოფისის გათბობის გამო ტენიანობა იკლებს.

5. თუ ისები არ ყვავის, ესე იგი ოთახში არაა საკმარისი სინათლე. ხანმოკლე ნათელი დღე და მკრთალი შუქი ვერ უზრუნველყოფს იების აყვავებას. გაზაფხულის დადგომასთან ერთად, იები მასობრივად ყვავის. თუ თქვენს მცენარეს ყველაზე ბნელი კუთხე გამოუყავით, აყვავებას ნუ ელით.

6. იას პერიოდული გადარგვა სჭირდება. საქმე ისაა, რომ ნიადაგის სტრუქტურას აქვს თვისება, შეცვალოს მჟავა-ტუტოვანი წონასწორობა და სასუქი აქ სრულიად გამოუსადეგარია. სასარგებლო მიკროელემენტები ვერ აითვისება. ია უნდა გადარგოთ ყოველ 6-8 თვეში. ეს აუცილებლად მას შემდეგ უნდა გაკეთდეს, რაც მცენარე აყვავდება.

იის ყვავილობის სტიმულირება

გადარგეთ ყვავილი ფხვიერ, მკვებავ ნიადაგში, ნეიტრალური მჟავიანობით. შეარჩიეთ მომცრო ზომის ქოთანი, ხოლო გადარგვის დროს აუცილებლად გააცალეთ მცენარეს ქვედა ფოთლები – ეს ასტიმულირებს ყვავილობასა და ზრდას.

გადადგით მცენარე ქოთნით ყველაზე ნათელ ადგილას. მნიშვნელოვანია, რომ იებს არ ხვდებოდეს მზის სხივები. გაფანტული შუქი იდეალურია მისთვის. წინააღმდეგ შემთხვევაში, ფოთლებზე დამწვრობები გაჩნდება. სინათლის უკმარისობის კომპენსირება ხელოვნური განათებითაა შესაძლებელი.