"ჩემს სახლში შევიდა სანდრა რულოვსი ნათესავებთან ერთად, მარანი გახსნეს. რამდენიმე დღეში დამირეკეს, შენი სახლი გვინდაო" - რას ამბობს ვალერი გელაშვილი სააკაშვილზე?

საქართველოს ექსპრეზიდენტის, მი­ხე­ილ სა­ა­კაშ­ვი­ლის წი­ნა­აღ­მდეგ არა­ერ­თი სის­ხლის სა­მარ­თლის საქ­მეა აღ­ძრუ­ლი. მას ედა­ვე­ბი­ან სა­ბი­უ­ჯე­ტო თან­ხის გაფ­ლან­გვას, მათ შო­რის, ე.წ. პი­ჯა­კე­ბის საქ­მე­ზე, ბრა­ლი წარ­დგე­ნი­ლი აქვს 2007 წლის 7 ნო­ემ­ბერს მო­მი­ტინ­გე­თა მა­სობ­რი­ვი დარ­ბე­ვი­სა და ხელ­ში ჩაგ­დე­ბის მიზ­ნით ტე­ლე­კომ­პა­ნია "იმედ­ში" შეჭ­რის საქ­მე­ებ­ზეც. ორ სის­ხლის სა­მარ­თლის საქ­მე­ზე კა­ნო­ნი­ე­რად ძა­ლა­ში შე­სუ­ლი გა­ნა­ჩე­ნი უკვე არ­სე­ბობს. 2018 წელს სა­ა­კაშ­ვილს 3-წლი­ა­ნი პა­ტიმ­რო­ბა მი­ე­სა­ჯა სამ­სა­ხუ­რებ­რი­ვი უფ­ლე­ბა­მო­სი­ლე­ბის ბო­რო­ტად გა­მო­ყე­ნე­ბის­თვის, საქ­მე ეხე­ბა სან­დრო გირ­გვლი­ა­ნის საქ­მე­ზე და­კა­ვე­ბუ­ლი პი­რე­ბის შე­წყა­ლე­ბას. იმა­ვე წელს და­უს­წრებ­ლად გა­ა­სა­მარ­თლეს პარ­ლა­მენ­ტის ყო­ფილ წევრ ვა­ლე­რი გე­ლაშ­ვილ­ზე თავ­დას­ხმის საქ­მე­ზე და 8 წლით თა­ვი­სუფ­ლე­ბის აღ­კვე­თა მი­უ­სა­ჯეს, თუმ­ცა ამ­ნის­ტი­ით ეს სას­ჯე­ლი შე­უმ­ცირ­და და სა­ბო­ლოო სას­ჯე­ლად 6 წლით თა­ვი­სუფ­ლე­ბის აღ­კვე­თა გა­ნე­სა­ზღვრა, რაც ზემ­დგო­მი ინ­სტან­ცი­ის სა­სა­მარ­თლომ უც­ვლე­ლად და­ტო­ვა.

საქ­მის მა­სა­ლე­ბის თა­ნახ­მად, 2005 წლის 29 ივ­ნისს გა­ზეთ "რე­ზო­ნან­სში" გა­მოქ­ვეყ­ნდა სტა­ტია, რო­მელ­შიც ვა­ლე­რი გე­ლაშ­ვი­ლი უკ­მა­ყო­ფი­ლე­ბას გა­მოთ­ქვამ­და მოქ­მე­დი პრე­ზი­დენ­ტის მი­მართ იმის გამო, რომ მას წა­არ­თვეს ქო­ნე­ბა, რომ­ლის ღი­რე­ბუ­ლე­ბა­საც არ უნა­ზღა­უ­რებ­დნენ. ამა­ვე სტა­ტი­ა­ში მან შე­უ­რა­ცხმყო­ფე­ლი ფრა­ზე­ბით ისა­უბ­რა სა­ა­კაშ­ვი­ლის პი­რა­დი ცხოვ­რე­ბის შე­სა­ხებ. სტა­ტი­ის გა­მოქ­ვეყ­ნე­ბის შემ­დეგ მი­ხე­ილ სა­ა­კაშ­ვილ­მა ვა­ლე­რი გე­ლაშ­ვი­ლის სა­მა­გა­ლი­თოდ დას­ჯის მიზ­ნით, პი­რა­დი შუ­რის­ძი­ე­ბის მო­ტი­ვით, თავ­დაც­ვის იმ­ჟა­მინ­დელ მი­ნის­ტრ ირაკ­ლი ოქ­რუ­აშ­ვილს და­ა­ვა­ლა გე­ლაშ­ვი­ლის მი­მართ ფი­ზი­კუ­რი ან­გა­რიშს­წო­რე­ბა, რა­ზეც ოქ­რუ­აშ­ვი­ლის­გან უარი მი­ი­ღო. ამის შემ­დეგ სა­ა­კაშ­ვილ­მა ეს და­ვა­ლე­ბა შს იმ­ჟა­მინ­დელ მი­ნისტრს, ივა­ნე მე­რა­ბიშ­ვილს მის­ცა. მე­რა­ბიშ­ვილ­მა მის დაქ­ვემ­დე­ბა­რე­ბა­ში მყო­ფი სპე­ცი­ა­ლუ­რი ოპე­რა­ტი­უ­ლი დე­პარ­ტა­მენ­ტის დი­რექ­ტო­რის, ერეკ­ლე კო­დუ­ას ორ­გა­ნი­ზე­ბით სა­ა­კაშ­ვი­ლის და­ვა­ლე­ბა ზედ­მი­წევ­ნით შე­ას­რუ­ლა - 2005 წლის 15 ივ­ლისს სოდ-ის ოპე­რა­ტი­უ­ლი თა­ნამ­შრომ­ლე­ბი და შე­ი­ა­რა­ღე­ბუ­ლი სპე­ცი­ა­ლუ­რი რაზ­მის მებ­რძო­ლე­ბი თბი­ლის­ში, მირ­ცხუ­ლა­ვას ქუ­ჩის მიმ­დე­ბა­რე ტე­რი­ტო­რი­ა­ზე, თავს და­ესხნენ ვა­ლე­რი გე­ლაშ­ვილ­სა და მის თან­მხლებ პი­რებს. ერეკ­ლე კო­დუ­ას და­ვა­ლე­ბი­თა და სოდ-ის სამ­მარ­თვე­ლოს უფ­როს გი­ორ­გი სი­რა­ძის ხელ­მძღვა­ნე­ლო­ბით, სპე­ცი­ა­ლუ­რი რაზ­მის მებ­რძო­ლებ­მა ძა­ლის გა­მო­ყე­ნე­ბი­თა და ცე­ცხლსას­რო­ლი ია­რა­ღის მუ­ქა­რით გე­ლაშ­ვი­ლი თან­მხლებ პი­რებ­თან ერ­თად ავ­ტო­მან­ქა­ნი­დან გად­მო­იყ­ვა­ნეს, კონ­და­ხე­ბით სას­ტი­კად სცე­მეს და გა­ი­ტა­ცეს მისი კა­ნო­ნი­ე­რი ია­რა­ღი, 10.000 აშშ დო­ლა­რი და 50.000 ლა­რად ღი­რე­ბუ­ლი ბე­ჭე­დი. სა­ა­კაშ­ვი­ლის და­ვა­ლე­ბით გან­ხორ­ცი­ე­ლე­ბუ­ლი ფი­ზი­კუ­რი ან­გა­რიშს­წო­რე­ბის შე­დე­გად პარ­ლა­მენ­ტის წევ­რმა გე­ლაშ­ვილ­მა მი­ი­ღო სი­ცო­ცხლის­თვის სა­ხი­ფა­თო სხე­უ­ლის მძი­მე და­ზი­ა­ნე­ბა.ამ თავ­დას­ხმის ფაქ­ტზე სა­ა­კაშ­ვი­ლის მი­მართ გა­მამ­ტყუ­ნე­ბე­ლი გა­ნა­ჩე­ნი გა­მო­ტა­ნი­ლია. გე­ლაშ­ვი­ლის საქ­მე­ზე გა­ნა­ჩე­ნი გა­მო­ტა­ნი­ლია მე­რა­ბიშ­ვი­ლის, კო­დუ­ა­სა და სი­რა­ძის მი­მარ­თაც.

ყო­ფი­ლი პარ­ლა­მენ­ტა­რი, ბიზ­ნეს­მე­ნი ვა­ლე­რი გე­ლაშ­ვი­ლი "კვი­რის პა­ლიტ­რას­თან" იმ უმ­ძი­მეს ფაქ­ტებს იხ­სე­ნებს.

- ეს დღე­ე­ბია, ატ­რი­ა­ლე­ბენ, პი­ჯა­კე­ბის საქ­მე­ზეა ბრალ­დე­ბუ­ლიო, რაც სა­სა­ცი­ლოა, პი­ჯა­კე­ბის საქ­მე სახ­სე­ნე­ბე­ლიც არ იყო, ისე­თიI მძი­მე და­ნა­შა­უ­ლე­ბი აქვს ჩა­დე­ნი­ლი. ჩემს საქ­მე­ზე გა­მო­ძი­ე­ბა წლე­ბის შემ­დეგ ჩა­ტარ­და, სა­ა­კაშ­ვი­ლი გა­სა­მარ­თლე­ბუ­ლია, ამ­ნის­ტია შე­ე­ხო და სა­ბო­ლო­ოდ 6 წელი და­უ­ტო­ვეს.

- პირ­ვე­ლად რო­დის გა­და­იკ­ვე­თა თქვე­ნი გზე­ბი?

- 1999 წლის ბო­ლოს და 2000 წლის და­სა­წყის­ში, როცა "მო­ქა­ლა­ქე­თა კავ­ში­რის" უმ­რავ­ლე­სო­ბის ლი­დე­რი იყო. მე მა­შინ ვახ­ტანგ ქუ­თა­თე­ლა­ძეს­თან და­პი­რის­პი­რე­ბუ­ლი ვი­ყა­ვი, ბი­ძა­ჩე­მი გა­ტა­ცე­ბუ­ლი იყო, ბი­ძაშ­ვი­ლი - ცი­ხე­ში. მა­შინ მი­ვე­დი სა­ა­კაშ­ვილ­თან, რო­გორც უმ­რავ­ლე­სო­ბის ლი­დერ­თან. მი­ვე­დი იმის­თვის, რომ ჩემი ბი­ძაშ­ვი­ლი ცი­ხი­დან გა­ე­თა­ვი­სუფ­ლე­ბი­ნათ. მი­შამ მი­თხრა, შენ­თან ნუგ­ზარ შე­ვარ­დნა­ძეა და­პი­რის­პი­რე­ბუ­ლი და ამ საქ­მე­ში ვერ ჩა­ვე­რე­ვიო. მერე 2003 წელს შე­მო­მით­ვა­ლა, თუ მას­თან მი­ვი­დო­დი, სა­პარ­ლა­მენ­ტო სი­ა­ში ჩემს ორ კაცს ჩას­ვამ­და, მაგ­რამ უარი ვუ­თხა­რი.

- რა­ტომ, ფულს გთხოვ­დათ სა­ნაც­ვლოდ?

- არა, დაფინანსება არ უთხოვია, როგორც ბიზნესმენი გვერდით ვჭირდებოდი, უნდოდა საზოგადოებისთვის დაენახებინა, რომ ცნობილი ბიზნესმენები მასთან მიდიოდნენ. ბოლოს გადავიკვეთეთ პრეზიდენტის რეზიდენციის მშენებლობის გამო. 2003 წლის ბოლოს ჩემს სახლში შევიდა სანდრა რულოვსი თავის ნათესავებთან ერთად, ჩემი მარანი გახსნეს და ღვინო დააჭაშნიკეს. რამდენიმე დღეში დამირეკეს, შენი სახლი გვინდაო. რეზიდენციის წინ იდგა ჩემი სახლი. 2004 წლის 3 იანვარი იყო. ამ საკითხზე ჩემს სახლში შევხვდი დავით კეზერაშვილს და ადმინისტრაციის უფროს ირაკლი ჩუბინიშვილს. ითხოვდნენ სახლი მათთვის დამეთმო. მივიღეთ გადაწყვეტილება, რომ გენერალური მოიჯარე მე ვიქნებოდი რეზიდენციის მშენებლობაში, ჩემს სახლს გადავცემდი მათ და სამაგიეროდ მივიღებდი სამოსახლო ადგილს სხვაგან. მშენებლობა სწრაფად ვერ მიდიოდა. გავაფრთხილე მიხეილი, რეზიდენციის მშენებლობა ასე მალე და ასე ადვილად არ დამთავრდება-მეთქი. მერე მთხოვა, გენერალური მოიჯარეობიდან გავსულიყავი, დიდი სიამოვნებით გავალ-მეთქი, ვუთხარი, რადგან პერსპექტივა ვერ დავინახე, ოღონდ ვთხოვე, ჩემი კომპანიისთვის ჩემი ფული გადაეხადათ. ფულის გადახდას არ აპირებდნენ, არც სახლის ფულს მაძლევდნენ და გაბრაზებული ისე მოვექეცი, როგორც ისინი მოექცნენ ჩემს ოჯახს. ამის მერე იყო ჩემზე თავდასხმა, ეს იყო ანგარიშსწორება იმის გამო, რომ პროტესტი გამოვხატე. მისი დაკვეთა იყო, სამაგალითოდ დავესაჯე, როგორც დეპუტატი, როგორც ბიზნესმენი, რომ მერე სხვებისთვის ეს მაგალითი ყოფილიყო.

- დავით კეზერაშვილი ახსენეთ, მას რა როლი ჰქონდა ამ საქმეში?

- როგორც მახსოვს, მაშინ ის იყო პირად დაცვაში და შუამავლის როლს ასრულებდა. მოვიდა და ჩემი სახლი ნახა. ავლაბარში რეზიდენციის წინ რომ აგურის სახლია, ის იყო ჩემი საკუთრება და დავთმე რეზიდენციის მშენებლობის გამო ისიც და 2300 კვმ მიწაც. შევთანხმდით, ამ სახლში უნდა გადაეხადათ 1.400.000 დოლარი და მიწა უნდა გაეცვალათ, რომ მეორე სახლის მშენებლობა დამეწყო. ეს ფული არ გადამიხადეს, ამან გამოიწვია კონფლიქტი.

- თავდასხმის დღეს როგორ გაიხსენებთ?

- გზაზე დამხვდნენ, მანქანა დამიბლოკეს, კონდახი ჩამარტყეს თავში და წიხლები მირტყეს. ვინც კონდახი ჩამარტყა, მითხრა, ამის შემდეგ მაინც ვერაფერს დაწერ პრეზიდენტზეო. მიშას მაშინ ბევრი აგინებდა, მაგრამ არავინ უცემიათ. ეს იყო დაშინება ბიზნესის, პოლიტიკოსების, რომ მათ წინააღმდეგ არავის გაელაშქრა.

- ბიზნესშიც ხელის შეგიშალეს?

- რა თქმა უნდა. მაშინ ფოთის გემთმშენებლის აქციონერი ვიყავი, 55%-იანი წილი მქონდა. გემთმშენებელი დამიყადაღეს და საბოლოოდ ის გაკოტრდა. 6 მილიონი დოლარი მქონდა გადახდილი. სასამართლო დავა წავაგე, გემთმშენებელი დავკარგე და ამაშიც მიშა იყო გარეული. მეორე სახლის მშენებლობა დავიწყე, მაგრამ ისიც დავკარგე. ახლა ის სახლი რომან ფიფიასია. 2007 წელს ჩემს კომპანიაში საფინანსო სამსახური შემოვიდა, რამდენიმე თვე იყვნენ, ბოლოს კი მაიძულეს ის სახლი გამეყიდა, არადა, კარკასი აშენებული მქონდა... ყველაფერს აკეთებდა, რომ გავკოტრებულიყავი.

- ცემის შემდეგ დიდხანს გადიოდით რეაბილიტაციას? - ფუძის ძვლის მოტეხილობის შემდეგ 100%-ით რეაბილიტაცია შეუძლებელია. დღესაც გაბრუებული მაქვს ერთი მხარე, დღემდე მაქვს იარა და ეს დარჩება სიცოცხლის ბოლომდე. მათ სასიკვდილოდ გამიმეტეს, სასწაული იყო ჩემი გადარჩენა. ოპერაციიდან ორ თვეში საქართველოში დავბრუნდი. მერე პარლამენტშიც დავდიოდი.

- ხომ არ გიცდიათ, სააკაშვილთან გაგერკვიათ, რატომ გაგწირათ სასიკვდილოდ?

- რა უნდა გამერკვია, მიზეზი ისედაც გასაგები იყო! ბიზნესიც და წილებიც ჰქონდათ მათ, ვინც "ნაცმოძრაობასთან" იყო ახლოს, სხვებს არაფერი არ უნდა ჰქონოდათ, ყველას ატერორებდნენ.

- წლების შემდეგ დაიწყო თქვენი საქმის გამოძიება. დღეს განაჩენი გამოტანილია. ელოდით, რომ ბრალდებულები დაისჯებოდნენ? - სასამართლო პროცესებზე დავდიოდი. ჩემთვის მნიშვნელობა არ ჰქონდა, ექვს წელს მიუსჯიდნენ სააკაშვილს, თუ ორს, მთავარი იყო, სასჯელი გამოეტანათ და მას პასუხი ეგო. მე შემსრულებლების დასჯა არც მომითხოვია, ყველას ვაპატიე, რადგან მათ ბრძანება შეასრულეს. სასამართლო პროცესზე ყველაფერი აღიარეს. ამოიღეს ჩანაწერებიც და გაირკვა, რომ მიხეილ სააკაშვილი სატელეფონო საუბრებშიც მონაწილეობდა.

- "ნაცმოძრაობაში" ამბობენ, რომ სააკაშვილი არის პოლიტიკური დევნილი და ის დღეს არ აღიარებს არც ერთ დანაშაულს. - პოლიტიკური დევნილია მიშა? სასაცილოა! ვინ აღიარებს ამას?

- ვის პასუხისმგებლობას ხედავთ იმაში, რომ სააკაშვილი დღემდე დაუსჯელია? - ამაზე გავჩუმდები, არ გიპასუხებთ...სააკაშვილი მაქსიმუმ 2-3 ათასი ადამიანი დაუდგეს გვერდით, იმდენი ხალხი ჰყავს გამწარებული, ქუჩაში ვერც გაივლის...

- თქვენ რომ დღეს ქუჩაში შეგხვდეთ, რას ეტყვით? - ბევრჯერ ვცადე ვილნიუსში დამეჭირა, მაგრამ ვერ დავიჭირე. მინდოდა შური მეძია და მაგრად მეცემა. ჯერ ერთი, კურდღელია - რომ დამინახავდა, გაიქცეოდა, მაგრამ სადმე რომ შემხვედროდა, აუცილებლად ვცემდი! მიშა ფსიქიკურად დაავადებული ადამიანია. სახეზე შეხედეთ! რა დიდი ამოცნობა ამას უნდა! ახლა არც იმაზე ვილაპარაკებ, ვისი პასუხისმგებლობაა, რომ დღეს ისევ "ნაცმოძრაობაა" მთავარი პოლიტიკური ძალა და ამდენს ალაპარაკებენ. ეჭვი არც იმაში მეპარება, რომ უცხოელები ხელისუფლებას აიძულებენ, ის შეიწყალოს და, თუ დააკავებენ, გამოუშვას, მაგრამ მთავარი ის არის, რომ მიშა ციხეში ვერ გაჩერდება, ვერ გაძლებს. 2-3 თვე რომ დატოვო სამარტოო საკანში, ჭკუიდან შეიშლება, თავს მოიკლავს და მისთვის ტრაგიკულად დასრულდება ყველაფერი. მისი ფსიქიკა ჩაკეტილ სივრცეს ვერ გაუძლებს.

- თქვენ აზრი რომ გკითხონ მის შეწყალებაზე, დასთანხმდებით? - ჩემთვის საკმარისია, ერთი წელი მაინც ჩაჯდეს, მერე ალბათ, დავთანხმდები...

- ამ თავდასხმამდე სააკაშვილს თქვენ მიმართ აგრესია თუ გამოუხატავს? - ადრე ნორმალური ურთიერთობა გვქონდა. ეტყობა, მის გარემოცვას არ მოსწონდა ეს და გააღიზიანეს. ისიც ვიცი, რომ ჩემზე თავდასხმის შემდეგ მან სკამები ესროლა თავის გარემოცვას, რადგან მიხვდა, რაც ჩაიდინეს, თუმცა უკვე გვიანი იყო - მათ სასიკვდილოდ გამიმეტეს.

წყარო - kvirispalitra.ge