"ზრდასრული მოსახლეობის 40% შარდავს საზოგადოებრივ აუზებში...“ - რა საფრთხეს შეიცავს არაჰიგიენური აუზი?
ვენეროლოგ-დერმატოლოგი, ზაზა თელია იმ საფრთხეების შესახებ წერს, რაც ადამიანს არაჰიგიენური აუზი უქმნის.
"სტატისტიკით მაგალითად აშშ-ის ზრდასრული მოსახლეობის 40% შარდავს საზოგადოებრივ აუზებში
ალბათ ადვილი მისახვედრია რომ საქართველოში ეს სტატისტიკა იგივე ან შეიძლება მეტიც იყოს.
მოგეხსენებათ აუზების დამუშავება ხორციელდება ქიმიური საშუალებებით იმისათვის რომ მოხდეს დაავადებების გავრცელების პრევენცია
ქლორი შესაძლოა შეუერთდეს ორგანიზმიდან გამოყოფილ სითხეებს (შარდი, ფეკალიები) და გამოიწვიოს ქიმიური რეაქცია
ეს ქიმიური რეაქცია ამცირებს ქლორის რაოდენობას აუზში რაც შესაბამისად აღარ არის საკმარისი ბაქტერიების გასანეიტრალებლად
პირიქით წარმოიქმნება ქიმიური გამაღიზიანებელი ნივთიერებები რომლებმაც შესაძლოა გამოიწვიოს კანის გაღიზიანება, თვალების გაწითლება, ქავილი
ამ ქლორამინს (Chloramine) აქვს ქლორისთვის დამახასიათებელი სუნი და ადამიანებში ის ასოცირდება ქლორის სუნთან
თუმცა სუფთა, დამუშავებულ აუზს არ უნდა ჰქონდეს სუნი, ანუ ქლორით ადექვატურად დამუშავებულ აუზს არ აქვს სუნი
ამრიგად თუ აუზს აქვს ქლორის სუნი - შესაძლოა მასში იყოს ქლორამინი (Chloramine), შარდი ან სხვა ორგანიზმიდან გამოყოფილი სითხეები", - წერს ზაზა თელია.
