„ქალი ბრაზდება, დახლზე ყრის ქართულ „ჩვენი სუფრას“, იღებს სლობოდას და მასკოვსკი პროვანსალს“ - რა მოხდა მაღაზიაში?

„ახლა მითხარით-ასეთი ქართველებით რომელ ხრამში გადავარდებით“ - სოციალური ქსელის მომხმარებელი ერთ-ერთ მაღაზიაში მომხდარი შემთხვევის შესახებ წერს:

„ჩვენი მაღაზიები, ისევე როგორც ქვეყანა სავსეა რუსებით, მაგრამ ამაზე არ ვწერ - რაღაც მინდა მოგიყვეთ.

ლიბრეში ვარ, შემოდის დედა 2 შვილით-რუსები. ქალი ხედავს სავსეა მაღაზია რუსული პროდუქციით- მაიონეზის ყიდვა უნდოდა, ხედავს დევს „მასკოვსკი პროვანსალ“ - საპატიო ადგილას და ქალი ამბობს-ვსო ნაშა, პროდუქცია ი ვსო, ა ნას ნე ხატიატ - ყველაფერი ჩვენი აქვთ და ჩვენ არ ვუნდივართო. მე ავიღე ქართული მაიონეზი. მოდის ამ ქალის 12-13 წლის გოგო და დედას ეუბნება-მამა, სმატრი-გრუზინსკი მაიონეზ. სანამ დედა რამეს ეტყოდა ვეუბნები - უნას აკცია, კუპი გრიზინსკი (აქცია გვაქვს-იყიდე ქართული)  და ვუღიმი. ბავშვი იღებს 4 ცალს და დედაც თანხმდება იყიდოს-

-ა, ეტა ვკუსნო? (გემრიელია?) - მეკითხება.

-ძალიან - ვპასუხობ 

და ამ დროს ხდება კულმინაცია❗️❗️❗️მოდის ქართველი ქალი, სავსე კალათით და სულ რუსული პროდუქცია რომ აქვს ნაყიდი და მე მეუბნება-არ გრცხვენია?? რუსულად რატომ ელაპარაკები!

მეც ცერემონიის გარეშე მის კალათაში ვდებ 5 ცალ ქართულ მაიონეზს,ვიღებ მასკოვსკი პროვანსალს და ვეუბნები - აი ახლა მელაპარაკე და ვუღიმი. ქალი ბრაზდება, რაღასაც ბურდღუნებს-ეს რად მინდა, დახლზე უხეშად ყრის ქართულ „ჩვენი სუფრას“, იღებს სლობოდას და მასკოვსკი პროვანსალს და მიდის სალაროსთან. რუსი ქალიც იგივეს აკეთებს-გოგოს გული წყდება-მე 1 ცალი „ჩვენი სუფრა“ ვაჩუქე და ვეუბნები - ქართული უკეთესია.

ახლა მითხარით-ასეთი ქართველებით რომელ ხრამში გადავარდებით“ - წერს სოციალური ქსელის მომხმარებელი.