მე-3 დღეა, ოკუპირებულ გალში 28 წლის ქალს ეძებენ - ოჯახი დახმარებას ითხოვს
ოკუპირებულ გალში მესამე დღეა 28 წლის ნათია ბახტაძეს ეძებენ. არსებული ინფორმაციით, გოგონა ბოლოს 28 ივლისს ნახეს. ის სახლიდან 17:00 საათზე გავიდა და მას შემდეგ არ დაბრუნებულა.
მის გაუჩინარებაზე დაწყებულია გამოძიება, თუმცა ოჯახი და ახლობლები ფიქრობენ, რომ ქალი ეთნიკურად აფხაზმა გაიტაცა და გამოძიება მას ხელს აფარებს.
ოჯახი დახმარებას ითხოვს.
