ჩინეთთან სტრატეგიული პარტნიორობის დამყარება ღარიბაშვილის უმნიშვნელოვანესი საგარეო პოლიტიკური მიღწევაა - ირაკლი კობახიძე
"ქართული ოცების" თავმჯდომარე, ირაკლი კობახიძე საქართველო-ჩინეთის სტრატეგიული პარტნიორობის დამყარებას გამოეხმაურა.
მისი თქმით, ჩინეთთან სტრატეგიული პარტნიორობის დამყარება ღარიბაშვილის უმნიშვნელოვანესი საგარეო პოლიტიკური მიღწევაა.
"ეს იყო პრემიერმინისტრის უმნიშვნელოვანესი ვიზიტი და სტრატეგიული პარტნიორობის დამყარება ჩინეთთან არის პრემიერ ღარიბაშვილის ერთ-ერთი უმნიშვნელოვანესი საგარეო პოლიტიკური მიღწევა. სტრატეგიული პარტნიორობა სხვადასხვა თვალსაზრისით არის მნიშვნელოვანი. რა თქმა უნდა, პოლიტიკური კუთხით, ასევე, ეკონომიკური თვალსაზრისით. მნიშვნელოვანია, რა თქმა უნდა, ყველა რესურსის ათვისება, რომელიც ამ პარტნიორობიდან შეიძლება გამომდინარეობდნენ და ბუნებრივია ყველა ნაბიჯი გადაიდგმება იმისათვის, რომ ეს სტრატეგიული პარტნიორობა იყოს რეალიზებული სათანადოდ. მნიშვნელობა ძალიან დიდია ამ დოკუმენტის. რაც შეეხება ვალდებულებებს, აქ მთავარი არის ის, რომ დამყარდა სტრატეგიული პარტნიორობა და ეს სტრატეგიული პარტნიორობა იქნება, რა თქმა უნდა, ორმხრივად საინტერესო და ორმხრივად მომგებიან, როგორც საქართველოსთვის, ასევე ჩინეთისთვის", - განაცხადა კობახიძემ.
