გაფრთხილდით! - სინოპტიკოსები საზოგადოებას მიმართავენ
სინოპტიკოსების ცნობით, 5 აგვისტომდე საქართველოს ზოგიერთ რაიონში მაღალი ტემპერატურის ფონზე მოსალოდნელია ხანმოკლე წვიმა ელჭექით, აღმოსავლეთ საქართველოში ზოგან შესაძლებელია სეტყვა.
ასევე, გარემოს ეროვნული სააგენტოს ინფორმაციით, ჰაერის ტემპერატურა დასავლეთ საქართველოში +28, +33 გრადუსი იქნება, აღმოსავლეთ საქართველოში კი 2-3 აგვისტოს ზოგან +36.+ 38 გრადუსამდე მოიმატებს, ხოლო 4 აგვისტოს +27, +32 გრადუსამდე დაიკლებს.
თბილისში შესაძლოა, ხანმოკლე წვიმა ელჭექით აღინიშნოს, ჰაერის ტემპერატურა დღის საათებში +33, +35 გრადუსი დაფიქსირდება.
