ვითარება ძალიან მძიმეა, გზა ღვარცოფმა წაიღო, მაშველები ადგილზე ჯერ არ მისულან - რას ამბობენ ადგილობრივები რაჭაში მომხდარ მეწყერზე?
რაჭაში, შოვში, კერძოდ, მჟავე წყლებთან, მეწყერში 16 ადამიანია მოყოლილი და მათ გადაუდებელი დახმარება სჭირდებათ.
შემთხვევა სასტუმრო “სანსეტ შოვის“ მიმდებარედ მოხდა.
ვითარება ძალიან მძიმეა. ადგილობრივების ინფორმაციით, მთის დიდი ნაწილი მოწყდა და შოვში კოტეჯები და მიმდებარე ტერიტორია მთლიანად მოწყვიტა, გაანადგურა ან დააზიანა. შოვამდე მისასვლელი საავტომობილო გზაც ღვარცოფმა წაიღო, რის გამოც მაშველები ადგილზე ჯერ არ მისულან.
