შოვში, სტიქიის ზონაში წითელი ჯვრის გუნდია მობილიზებული
შოვში, სტიქიის ზონაში წითელი ჯვრის გუნდია მობილიზებული. ამის შესახებ ინფორმაციას წითელი ჯვრის საერთაშორისო საზოგადოება Twitter-ზე ავრცელებს.
"აღმოსავლეთ საქართველოში, შოვის რაიონში ჩამოწოლილი მეწყრის შედეგად ათობით ადამიანია დაკარგული, რამდენიმე კი დაიღუპა. განადგურებულია გზები და ხიდები.
წითელი ჯვრის გუნდი მობილიზებულია სასწრაფო დახმარებისა და დაზარალებული ადამიანების მხარდასაჭერად პირველადი დახმარების, წყლისა და სხვა საჭირო ნივთებით", - ნათქვამია Twitter-ზე გავრცელებულ განცხადებაში.
3 აგვისტოს რაჭაში, კურორტ შოვში მეწყერი ჩამოწვა.
შოვში სამძებრო-სამუშაოები გრძელდება. ამ დროისთვის, ოფიციალური ინფორმაციით, რაჭაში სტიქიას 6 ადამიანი ემსხვერპლა. 2 მათგანის ცხედარი მაშველებმა გვიან ღამით იპოვეს, 4-ის კი დღეს.
Dozens of people are missing and some are dead in a landslide affecting the Shovi area in eastern Georgia. Roads and bridges are destroyed.
The teams of @RedCrossGeorgia have mobilized to support emergency services and people affected with first aid, water and other essentials. pic.twitter.com/0md5Db2rDf — IFRC Europe (@IFRC_Europe) August 4, 2023
