სიტყვები უძლურია, ბებიასთან იყო და მეგობრებთან ერთად წასულა მდინარეზე - რას ამბობენ ადგილობრივები საგარეჯოში მომხდარ ტრაგედიაზე?
საგარეჯოს მუნიციპლიტეტში, მდინარე იორში არასრულწლოვანი დაიხრჩო.
შემთხვევა სოფელ ხაშმის ტერიტორიაზე მოხდა. ადგილობრივების განმარტებით, მოზარდი მდინარეში ჩავარდა. ის წყლიდან თვითმხილველებმა ამოიყვანეს და პირველადი სამედიცინო დახმარება ადგილზე გაუწიეს, თუმცა მისი გადარჩენა ვერ მოხერხდა.
ადგილზე მისულ სასწრაფო დახმარების ბრიგადას და სამაშველო სამსახურს არასრულწლოვანი გარდაცვლილი დახვდა.
„საშინელი ტრაგედია დატრიალდა. მოზარდი ბებიასთან იყო და მეგობრებთან ერთად წასულა მდინარეზე. ძალიან კარგი და წესიერი ბავშვი იყო“,- ამბობენ ადგილობრივები.
