მაღალი ტემპერატურაა და არსებობს გარკვეული სახის დაავადებების საფრთხე - თემურ მღებრიშვილი შოვში ინფექციების შესაძლო გავრცელებაზე

შოვში ამ დროისთვის 12 ადამიანს ეძებენ, თუმცა დაღუპულთა რაოდენობა შესაძლოა ოფიციალურ სტატისტიკაზე მეტი იყოს. მაღალი ტემპერატურის გამო სტიქიის ზონაში შესაძლოა ახლა პრობლემა გაჩნდეს და სხვადასხვა ინფექციების გავრცელების ზონად იქცეს. 

''მაღალი ტემპერატურაა და შესაბამისად არსებობს საფრთხე გარკვეული სახის დაავადებების. აქედან გამომდინარე, მაქსიმალური უსაფრთხოების ზომები გვაქვს მიღებული, პირბადეების საშუალებით და ა.შ. ასევე მაქსიმალურად ვცდილობთ ყველაფერი იყოს იმ პროტოკოლის ფარგლებში, რაც აუცილებელია მსგავს სიტუაციებში." ამბობს საგანგებო სიტუაციების მართვის სამსახურის უფროსი თემურ მღებრიშვილი.

სამაშველო სამსახურის თანამშრომლებმა უკვე მიიღეს მითითება, რომ სხეულის დაზიანების შემთხვევაში დაუყოვნებლივ მიმართონ სამედიცინო პუნქტებს და გაიკეთონ აცრა.