ძლიერი აფეთქება მაჰაჩყალაში – დაღუპულია 27 ადამიანი
დაღესტნის დედაქალაქ მაჰაჩყალაში ბენზინგასამართ სადგურზე ძლიერი აფეთება მოხდა. ამ დროის მონაცემებით, დაღუპულია 27 ადამიანი.
დაღუპულებს შორის 3 ბავშვია. დაშავებულია 75 ადამიანი, მათგან 11 ბავშვი.
რუსული მედიის ინფორმაციით, აფეთქების შედეგად ძლიერი ხანძარი გაჩნდა, რომლის ფართობმა 600 კვადრატულ მეტრს მიაღწია. ამ დროისთვის ხანძარი ლიკვიდირებულია. აფეთქების მიზეზი ჯერჯერობით უცნობია.