თურქეთში ჰაერის ტემპერატურამ რეკორდულ 50 გრადუსს მიაღწია
თურქეთში რეკორდულად მაღალი ტემპერატურა დაფიქსირდა. 14 აგვისტოს ჰათაის პროვინციის სამხრეთ-აღმოსავლეთ ნაწილში ჰაერის ტემპერატურამ 50 გრადუს ცელსიუსს მიაღწია.
თურქეთის სხვადასხვა რეგიონში 48 გრადუსი სიცხეა. ქვეყნის მეტეოროლოგთა განმარტებით, უახლოეს დღეებში ჰაერის ტემპერატურა საშუალო სეზონურ მაჩვენებელზე 6-10 გრადუსით მაღალი იქნება.