უხვი ნალექი სტეფანწმინდაში - რა ინფორმაცია ვრცელდება?
დაბა სტეფანწმინდაში და გერგეტში მოსული უხვი ნალექის გამო ადიდებულმა ხევმა ადგილობრივ მოსახლეობას გარკვეული პრობლემები შეუქმნა. დატბორილია რამდენიმე სახლი.
ადგილობრივ ხელისუფლებაში ამბობენ, რომ მეწყერს ადგილი არ ჰქონია და შექმნილი პრობლემების აღმოსაფხვრელად, შესაბამისი სამუშაოები შესრულდა. სათანადო ღონისძიებები მობილიზებული ტექნიკის საშუალებით გატარდა, გერგეტში მდებარე კოტეჯების მიმდებარე ტერიტორიაზე.
ადგილზე პირადად იმყოფებოდნენ მცხეთა-მთიანეთის მხარის სახელმწიფო რწმუნებული, მისი პირველი მოადგილე და ყაზბეგის მუნიციპალიტეტის მერი.
მათი განცხადებით, მოსახლეობას საფრთხე არ ემუქრება. დღეს დილიდან ყაზბეგის მუნიციპალიტეტში არსებულ ვითარებას გარემოს ეროვნული სააგენტოს სპეციალისტები გაეცნობიან.
