ოკუპირებულ ქალაქ ენერგოდარში შენობას, სადაც რუსეთის შსს-ს წარმომადგენლები იმყოფებოდნენ, უპილოტო საფრენი აპარატი დაეჯახა
ოკუპირებულ ენერგოდარში აფეთქების შედეგად რუსეთის შინაგან საქმეთა სამინისტროს პოლკოვნიკი და რამდენიმე პირი დაშავდა. ამის შესახებ ინფორმაციას უკრაინის დაზვერვის მთავარი სამმართველო და მელიტოპოლის მერი ივან ფედოროვი ავრცელებენ.
შენობას, სადაც რუსი პოლიციის ხელმძღვანელობის შეხვედრა მიმდინარეობდა, უპილოტო საფრენი აპარატი დაეჯახა. შემთხვევის შედეგად დაზიანებები მიიღეს რუსეთის შინაგან საქმეთა სამინისტროს პოლკოვნიკმა პაველ ჩესანოვმა, მისმა მოადგილემ და სხვადასხვა დეპარტამენტის ხელმძღვანელებმა. ისინი ადგილობრივ საავადმყოფოში გადაიყვანეს.
