პირი, რომელმაც ბათუმში მამა და მისი 2 შვილი დაჭრა, დააკავეს
ბათუმში, ასათიანის ჩიხში ორი ადამიანი ცეცხლსასროლი იარაღით დაჭრეს, ერთს – ავტომანქანით დაეჯახნენ. არსებული ინფორმაციით, ისინი ერთ-ერთ სახელოსნოში მუშაობდნენ, სადაც დაპირისპირება საყოფაცხოვრებო ნიადაგზე დაიწყო. კონფლიქტის დროს, ერთ-ერთმა პირმა რამდენჯერმე გაისროლა. დაჭრილები ასათიანის ქუჩაზე მდებარე სახელოსნოს თანამშრომლები არიან. "კურიერის" ინფორმაციით, დაპირისპირებული მხარეები ერთმანეთს იცნობდნენ. ადგილზე ახლა სამართალდამცველები მუშაობენ.
"კურიერის" ინფორმაციით, სავარაუდო დამნაშავემ მიმალვა სცადა, თუმცა ის პოლიციამ ცხელ კვალზე მალევე დააკავა.
