დაამზადეთ ეს ნაზავი და ვირუსი ვერ მოგეკარებათ - როგორ გავაძლიეროთ იმუნიტეტი?

დაამზადეთ ეს ნაზავი და ვირუსი არასოდეს მოგეკარებათ - როგორ გავაძლიეროთ იმუნიტეტი?

სანამ იმუნური სისტემის გაძლიერებას შეუდგებით, აუცილებელია საკუთარი ცხოვრების წესიდან სრულად გამორიცხოთ მავნე ჩვევები და საკვები, რომლებიც მას ნორმალურ მუშაობაში ხელს უშლის. გაითვალისწინეთ ძირითადი ფაქტორები, რომლებიც იმუნიტეტს ამცირებენ:

• სეზონური ავიტამინოზი;

• სტრესი;

• მავნე ჩვევები;

• რეჟიმის ნაკლებობა;

• იმუნომოდულატორების ბოროტად გამოყენება;

• მკაცრი დიეტები.

უკვე დადასტურებულია, რომ იმუნიტეტი ძლიერი ემოციური სტრესისა და ნერვულობის დროს ქვეითდება. ეს გამოწვეულია იმით, რომ სტრესის დროს წარმოიქმნება ისეთი ჰორმონები, როგორიცაა ნორეპინეფრინი და კორტიზოლი. ვინაიდან კორტიზოლის ჭარბი რაოდენობა აუტოიმუნურ პროცესებს იწვევს, ნერვიული ადამიანები უფრო ხშირად და ხანგრძლივად ავადდებიან. 

ისიც დადასტურებულია, რომ ადამიანი, რომელიც გვიან იძინებს და ძილი აკლია, უფრო ხშირად ავადდება. ღამით, ძილის დროს წარმოიქმნება სასარგებლო ნივთიერებები, მათ შორის ანტისხეულები, რომლებიც ორგანიზმს ინფექციებთან ბრძოლაში ეხმარებიან. ამიტომ, იმუნური სისტემის გასაძლიერებლად სრულფასოვანი ძილი აუცილებელია.

მკაცრი დიეტა მრავალი თვალსაზრისით საზიანოა იმუნური სისტემისთვის, რადგან სხეული არ იღებს აუცილებელ ვიტამინებსა და მინერალებს საკვებიდან. მას ასევე შეუძლია გამოიწვიოს ვიტამინის დეფიციტი.

თქვენ შეგიძლიათ გააძლიეროთ საკუთარი იმუნური სისტემა, თუ სწორად იკვებებით და შექმნით ყველა პირობას სხეულის სათანადო ფუნქციონირებისათვის. ამისთვის საჭიროა:

1. ძილის რეჟიმის მოწესრიგება;

2. მავნე ჩვევებისგან გათავისუფლება;

3. ჯანსაღი საკვები;

4. ვიტამინები;

5. სხეულის გაკაჟება.

პროდუქტები, რომლებიც იმუნიტეტის გაძლიერებაში გვეხმარება

ძლიერი იმუნიტეტის მთავარი პირობა არის სწორი, დაბალანსებული კვება, რომელიც ორგანიზმს საჭირო რაოდენობით ვიტამინებით და მინერალებით უზრუნველყოფს. უფრო მეტიც, ბევრი ექიმი დარწმუნებულია, რომ იმუნური სისტემის გამართულად მუშაობის წყარო საჭმლის მომნელებელ სისტემაშია, რომელსაც შეუძლია საკვები ნივთიერებების საუკეთესო ათვისება უზრუნველყოს. 

ქვემოთ მოყვანილი პროდუქტები მდიდარია სასარგებლო ვიტამინებით და იმუნური სისტემისთვის საჭირო სხვა ნივთიერებებით. ბევრ მათგანს შეუძლია მავნე საკვები ჩაანაცვლოს, რომელსაც  დღის განმავლობაში მოვიხმართ.

ასკილი 

C ვიტამინით მდიდარ ასკილს ანტიბაქტერიული ეფექტი გააჩნია. ის გაცილებით მეტ C ვიტამინს შეიცავს, ვიდრე ლიმონი და მოცხარი. დაასხით 80-100 გრ. ასკილს დაახლოებით 1 ლ. მდუღარე წყალი და რამდენიმე საათის განმავლობაში დატოვეთ. სასურველია, დღეში ერთი ჭიქა ასკილის ნაყენი მიიღოთ. ასევე შეგიძლიათ აფთიაქში ასკილის მზა სიროფი ან ნაყენი შეიძინოთ. 

თაფლი 

დღეში ერთი სუფრის კოვზი თაფლი თქვენი იმუნური სისტემის გასაძლიერებლად სრულიად საკმარისია. საკმაოდ ეფექტურია თაფლით დამზადებული სამკურნალო ნარევებიც, რომლებიც სხეულის თავდაცვის ფუნქციას აძლიერებენ. 

1. შეურიეთ ერთმანეთს თაფლი, დაჭყლეტილი ნიორი, ალოე, ლიმონი ან ჯანჯაფილი და დღეში ერთი კოვზი მიიღეთ. 

2. ამ ნარევის დასამზადებლად დაგჭირდებათ ჭიქა-ნახევარი ქიშმიში, ორი ლიმონი, ერთი ჭიქა ნიგოზი, ნახევარი ჭიქა ნუშის გული. გაატარეთ ხორცსაკეპ მანქანაში ნიგოზი და კურკებგამოცლილი ლიმონი. შეურიეთ წვრილად დაჭრილი ნუშის გული, ქიშმიში და დაასხით 1,5 ჩ/ჭ ჭიქა ახალი თაფლი. დადგით 3-5 დღე ბნელ ადგილას ოთახის ტემპერატურაზე. მიიღეთ 1-2 ს/კ დღეში ერთხელ, ჭამამდე ერთი საათით ადრე.

ჟენშენის ფესვი

ჟენშენის ფესვი აძლიერებს სხეულის უნარს დამოუკიდებლად გაუმკლავდეს ინფექციებს, თუმცა მას უკუჩვენებებიც აქვს, ამიტომ სასურველია, რომ ექიმის დანიშნულებით მიიღოთ. 

„სასარგებლო ჩაი“

ჩაი ლიმონით, თაფლით, ჟოლოს მურაბით და ჯანჯაფილით ერთ-ერთი საუკეთესო ხალხური საშუალებაა იმუნიტეტის გაძლიერებისა და ვირუსების პროფილაქტიკისთვის. ასეთი ჩაი მდიდარია c ვიტამინითა და ანტიოქსიდანტებით. 

ნიგოზი

მასში შემავალი ვიტამინებისა და ზეთების დამსახურებით, ნიგოზი ხელს უწყობს იმუნური სისტემის გაძლიერებას. მას ასევე მაღალი კვებითი ღირებულება გააჩნია, თუმცა, ალერგენული პროდუქტია და აქვს გარკვეული უკუჩვენებები. 

ზემოთ ჩამოთვლილი პროდუქტების გარდა, იმუნიტეტის ასამაღლებლად ძალიან ეფექტურია ჯანჯაფილის ფესვი, ნიორი, რომელიც ბუნებრივი ანტიბიოტიკი გახლავთ და უცხიმო წითელი ხორცი. 

ვიტამინები იმუნიტეტისთვის

თანამედროვე ცხოვრების რიტმი ზოგჯერ დროს არ გვიტოვებს ჯანსაღი კვებისთვის.  ასეთ დროს ხელოვნურად სინთეზირებული „სააფთიაქო ვიტამინები“ შესანიშნავი გამოსავალია.  ჩვენ გთავაზობთ ვიტამინების ჩამონათვალს, რომელიც იმუნიტეტის გაძლიერებაში დაგეხმარებათ. 

მნიშვნელოვანია გვახსოვდეს, რომ ჩვენ უკვე ვიღებთ ვიტამინებისა და მინერალების დიდ ნაწილს საკვებიდან, ამიტომ ვიტამინების ფარმაცევტული პრეპარატების საშუალებით დამატება არასასურველია. შეეცადეთ თქვენს ყოველდღიურ რაციონში შეიტანოთ ამ ელემენტებით მდიდარი საკვები, ხოლო დეფიციტი ვიტამინის კომპლექსებით შეავსოთ.

ვიტამინების დღიური ნორმა

- C - 10 გ -მდე;

- B1 - 1.5-2 მგ;

- B2 - 2-2.5 მგ;

- B6 - 2-3 მგ;

- B12 - 0.002 მგ;

- R - 25 მგ;

- PP - 0.25 მგ;

- U - 100-300 მგ;

- D - 0.001 მგ.

- A - 900 მკგ.

თქვენ შეგიძლიათ გაიგოთ მეტი ვიტამინების შესახებ, სად არის ისინი და რა აძლიერებს, შეგიძლიათ აქ.

მინერალების ყოველდღიური ნორმა

- თუთია - 15 მგ;

- რკინა - 10-15 მგ;

- კალიუმი - 2-5 გ;

- მაგნიუმი - 400 მგ;

- ფოსფორი - 1.2 გ;

- კალციუმი - 1 გ;

- სპილენძი - 30 მკგ / კგ - მოზრდილთათვის, 80 მკგ / კგ - მცირეწლოვანი ბავშვებისთვის, 40 მკგ / კგ - უფროსი ასაკის ბავშვებისთვის.

- მანგანუმი - 2-3 მგ;

- ქრომი - 100-200 მკგ;

- სელენი - 150-200 მკგ.

- იოდი - 200 მკგ.

და ბოლოს, სასურველია, სააფთიაქო ვიტამინები ექიმთან ერთად შეარჩიოთ.