"ცოდვა და მადლი მართლა რომ არსებობდეს ამ ქვეყანაზე... დიდი ბოროტების კუპრია ეს სამყარო" - რამ გააბრაზე ელისო ჯანაშია?
ჟურნალისტი, ელისო ჯანაშია სოციალურ ქსელში წერს, რომ ძაღლების მიმართ ადამიანები ზოგჯერ არასამართლიანები არიან.
"ამასწინათ, ხობის ავტოსადგურში მომიწია გავლამ. გატყავებული ცუგა, გაშეშებული და თავდახრილი იდგა "მარშუტკასთან". სისხლები სდიოდა კანიდან. გავვარდი, წამალი (სიმპარიკა)ვუყიდე, იქვე იყო ვეტაფთიაქი. ბრავექტო არ ქონდათ.
რომ არ დამკარგვოდა, სწრაფად მივბრუნდი ფეხით, მობილური მანქანაში დამიტოვებია. დავალევინე, საჭმელიც ცოტა მივეცი.
გამომყვა.
იმედი და უსაზღვრო მადლიერება გაუჩნდა თვალებში, ისეთი, როგორიც ადამიანებს ნაკლებად აქვთ ან საერთოდ არ აქვთ.
იქვე კიდევ დავუყარე საჭმელი და სწრაფად გავეცალე, კიდევ რომ არ გამომყოლოდა. ვეღარ ვუძლებ უკვე...
ორი კაცის დიალოგს შევესწარი იქვე. -წაიყვანე , გადააგდე აქედან, არ ხედავ რას გავს?
- სად წავიყვანოო, - აბუზღუნდა მეორე
- გადასვი სადმეო..
გადამეკეტა...
წამალი მივეცი ამ წუთას და ამოუვა ბეწვი მეთქი და ადამიანები არ ხართ, ძვალი და ტყავია ძაღლი, პური მაინც დაუგდეთ ზოგჯერ მეთქი.
- ხვალ ამოუვა?- ერთ:ერთი მეკითხება.
- ხვალვე როგორ უნდა ამოუვიდეს, ერთ კვირაში, ორ კვირაში უკვე წამოუვა მეთქი
.....
აღარ ვიცი, რომელია პირუტყვი. უბრალოდ, აღარ ვიცი.
შენც რომ არ მოგიარონ, ქუჩაში გაგაგდონ, წიხლი გირტყან და არ ჭამო, დაავადდები და ასეთი გახდები მეთქი.
კიდევ კარგი, არცერთ მეტი სიტყვა აღარ უთქვამს და გაჩუმდნენ.
დიდი იმედი არ მაქვს, რომ აღარ გადააგდებენ, მაგრამ წამალი მაინც ხომ მივეცი, კმაყოფილი ვარ რაღაცნაირად.
დღეს, ცუგების საერთაშორისო დღე ყოფილა. რას გაიგებენ, ვინ მოულოცავთ. თითოოროლა ცხოველთამოყვარული ისედაც ყოველდღე მათზე ზრუნავს და ეს ცხოველთმოძულე პირუტყვები ყოველდღე თავგამოდებით აუბედურებენ ამ საცოდავებს, რომლებიც უტყვად იტანენ ადამიანებისგან ამდენ დამცირებას, ცემას, სისატიკეს, ტკივილს ...
ცოდვა და მადლი მართლა რომ არსებობდეს ამ ქვეყანაზე, ამ არსებების დღეში მათი მჩაგვრელები აღმოჩნდებოდნენ, მაგრამ ერთი დიდი ბოროტების კუპრია ეს სამყარო და ჯოჯოხეთში, რომლითაც ხშირად გვაშინებენ, უკვე ვართ, ამდენი ბოროტების მნახველი და შემსწრენი...", - წერს ჯანაშია.
