კურსკში დრონის შეჯახების შედეგად საცხოვრებელი კორპუსი დაზიანდა
კურსკში დრონის შეჯახების შედეგად საცხოვრებელი კორპუსი დაზიანდა. ჩამსხვრეულია ფანჯრები. აფეთქების ტალღის შედეგად დაზიანდა სახელმწიფო აგრარული უნივერსიტეტის საინჟინრო ფაკულტეტის შენობაც. არსებული ინფორმაციით, არავინ დაშავებულა.
მანამდე რუსეთის თავდაცვის სამინისტრომ გაავრცელა ინფორმაცია, რომ რუსმა სამხედროებმა კურსკის ოლქის თავზე უკრაინული უპილოტო საფრენი აპარატი ჩამოაგდეს.
