ადელმა კონცერტის დროს გონება დაკარგა
ბრიტანელმა მომღერალმა ადელმა ლას-ვეგასში გამართული კონცერტის დროს გონება დაკარგა. ამის შესახებ The Sun იუწყება.
კონცერტის დროს მომღერალი ცუდად გახდა და კულისებს მიღმა წავიდა. სწორედ იქ იპოვეს ადელი უგონო მდგომარეობაში. მომღერლის გუნდმა მას პირველადი დახმარება აღმოუჩინა და ჯანმრთელობის პრობლემების მიუხედავად, ადელმა კონცერტი გააგრძელა.
ადელს უკვე დიდი ხნის განმავლობაში რადიკულიტი აქვს. მას მრავალი წლის განმავლობაში ზურგში ტკივილი აწუხებს და ამას ვერაფერს უხერხებს.
როგორც ადელმა აღნიშნა, რადიკულიტი, როგორც წესი, მას სტრესის ან გადაღლილობის დროს ურთულდება. ის სპეციალურ ვარჯიშებს აკეთებს, მაგრამ ბოლომდე პრობლემა მაინც ვერ მოაგვარა.
