უკრაინაში ოლიგარქი იგორ კალამოისკი დააკავეს
უკრაინაში ოლიგარქი იგორ კალამოისკი საკუთარ საცხოვრებელ სახლში დააკავეს. ინფორმაციას "უკრაინსკაია პრავდა" ავრცელებს.
კალამოისკის ბრალი სისხლის სამართლის კოდექსის 190-ე და 209 -ე მუხლით გათვალისწინებულ დანაშაულში ედება, რაც თაღლითობას და დანაშაულებრივი გზით მოპოვებული ქონების ლეგალიზაციას (გათეთრებას) გულისხმობს.
გამოძიების თანახმად, კალამოისკიმ 2013-20 წლებში მილიარდ ხუთასი მილიონი გრივნა გაათეთრა და უკრაინის საზღვრებს გარეთ გაიტანა.
