„რა გახდა დამცავი ბადეების დაფინანსება, არ სჯობს ამით დახმარება, უკვე განადგურებული მოსავლის შესყიდვაში ფულის ჩადებას?“ - ბიძინა გიორგობიანი
სატყეო დეპარტამენტის ყოფილი ხელმძღვანელი ბიძინა გიორგობიანი სოციალურ ქსელში წერს:
„როგორ არ გეტკინება გული ამ საცოდაობა შემხედვარეს? მოსაკრეფად გამზადებულ მოსავალს რომ მოხოსრავს სეტყვა რამოდენიმე წუთში. რა გახდა დამცავი ბადეების დაფინანსება, არ სჯობს ამით დახმარება, უკვე განადგურებული მოსავლის შესყიდვაში ფულის ჩადებას?“ - წერს გიორგობიანი.
გუშინ კახეთის რამდენიმე მუნიციპალიტეტში - თელავში, ახმეტასა და გურჯაანში სოფლების ნაწილი დაისეტყვა. წინასწარი ინფორმაციით, ძლიერმა ქარმა სახლებს სახურავებიც გადახადა. დასეტყვილია ვენახები და ხეხილის ბაღები, მოგლეჯილია ხეები, გაწყვეტილია ელექტროსადენები და წაქცეულია ელექტრობოძები.