ბჰარატი - ინდოეთი სახელს იცვლის?
ინდოეთმა შეიძლება სახელწოდება თვის ბოლომდე შეიცვალოს. ინფორმაციას უცხოური მედია ავრცელებს. „ტაბულას“ ინფორმაციით, ინდოეთის პრემიერმინისტრ ნარენდრა მოდის მთავრობამ G20-ის სტუმრებისთვის გასამართ ვახშამზე მისაწვევ ბარათებზე ქვეყნის სახელი სანსკრიტული სიტყვით ჩაანაცვლა.
მოსაწვევზე ინდოეთის პრეზიდენტი, დრუპადი მურმუ მოხსენიებულია როგორც "ბჰარატის პრეზიდენტი".
ინდოეთის ოფიციალურ სახელად ბჰარატის აქტიურ გამოყენებას მხარს უჭერენ მოდის ინდუს-ნაციონალისტური პარტიის, ბჰარატია ჯანატას (BJP) წევრები, რომლებიც ამტკიცებენ, რომ "ინდოეთი" ბრიტანელი კოლონისტების მიერ დამკვიდრებული სახელია და "მონობის სიმბოლოდ" აღიქმება.
მედიის ინფორმაციით, შესაბამის რეზოლუციას პარლამენტის სპეციალურ სესიაზე 18-22 სექტემბერს განიხილავენ.
