პარიზის ოლიმპიადაზე რუსეთის დროშის ადგილი არ არის - ემანუელ მაკრონი
საფრანგეთის პრეზიდენტი, ემანუელ მაკრონი 2024 წელს პარიზში დაგეგმილ ოლიმპიურ თამაშებში რუსი და ბელარუსი სპორტსმენების მონაწილეობას ეხმაურება და აცხადებს, რომ "თამაშებზე რუსეთის დროშის ადგილი არ არის".
"პარიზის ოლიმპიურ თამაშებზე რუსეთის დროშის ადგილი არ არის. რუსეთს, როგორც ქვეყანას, არ აქვს ადგილი იმ დროს, როდესაც ის სამხედრო დანაშაულებს სჩადის უკრაინაში. კითხვა, რომელსაც ოლიმპიურმა სამყარომ უნდა უპასუხოს არის ის, თუ რა ადგილი უნდა დაუთმოს რუს სპორტსმენებს, რომლებიც ზოგჯერ მთელი ცხოვრება ვარჯიშობდნენ შეჯიბრებებისთვის, მაგრამ შესაძლოა ამ რეჟიმის მსხვერპლად იქცნენ", - განაცხადა მაკრონმა ფრანგულ სპორტულ გაზეთ L'Équipe-თან ინტერვიუში.
პარიზის ოლიმპიური თამაშები 2024 წლის 26 ივლისიდან 11 აგვისტოს ჩათვლით გაიმართება.
