გარდაბანში 25 წლის ახალგაზრდა არხში ჩავიდა და გაუჩინარდა - 4 საათის შემდეგ იგი გარდაცვლილი იპოვეს
გარდაბნის მუნიციპალიტეტში, “თბილსრესის” მიმდებარედ, არხში, 25 წლამდე მამაკაცის ცხედარი იპოვეს. ამის შესახებ ინფორმაციას “ინფო რუსთავი" ავრცელებს.
არსებული ინფორმაციით, ახალგაზრდა, არხზე საბანაოდ მეგობრებთან ერთად იმყოფებოდა, რა დროსაც ის მოულოდნელად გაუჩინარდა.
ფაქტის შესახებ დარეკეს 112-ში, ადგილზე მობილიზებული იყო სამაშველო სამსახურისა და კრიმინალური პოლიციის ეკიპაჟები.
4-საათიანი ძებნის შემდეგ სამაშველო სამსახურმა ბიჭის ცხედარი იპოვა.
