"თოკზე ჩამოკიდებული ნახეს" - სოფელ ომალოში, სახლის სარდაფში, სავარაუდოდ, 1 წლის წინ გარდაცვლილი ადამიანის ცხედარი იპოვეს (ვიდეო)
თუშეთში, სოფელ ომალოში, გარდაცვლილი ადამიანის ცხედარი იპოვეს.
შემთხვევა რამდენიმე დღის წინ მოხდა. გარდაცვლილის სხეულს სახლის მფლობელმა იმ დროს მიაკვლია, როცა სარდაფს ათვალიერებდა. მანამდე ფართის მეპატრონე უცხო ქვეყანაში ცხოვრობდა და 2 წლის განმავლობაში ომალოში არ ყოფილა.
ადგილზე ექსპერტ-კრიმინალისტებმა იმუშავეს. არსებული ინფორმაციით, ცხედარი ჭერზე თოკით იყო დაკიდებული. ის, სავარაუდოდ, კაცს ეკუთვნის. გავრცელებული ცნობით, შემთხვევა წელიწადზე მეტი დროის წინ უნდა მომხდარიყო.
მომხდარზე დაწყებულია გამოძიება.
