დარწმუნებული ვარ, საოცარი საღამო იქნება - ზურა ყიფშიძეს ვარსკვლავს გაუხსნიან?
23 ნოემბერს ზურა ყიფშიძეს ვარსკვლავს გაუხსნიან, ამის შესახებ ინფორმაციას მსახიობის ქალიშვილი, ლენუკა ყიფშიძე ავრცელებს.
ლენუკას ინფორმაციით, 23 ნოემბერს ფილარმონიის დიდ საკონცერტო დარბაზში ზურა ყიფშიძის 70 წლისადმი მიძღვნილი საღამო გაიმართება.
„დიდი მზადება 23 ნოემბრისთვის – მამას 70 წლის იუბილე და ვარსკვლავის გახსნა. დარწმუნებული ვარ, საოცარი საღამო იქნება, მთელი ცხოვრება რომ გვემახსოვრება, აი, ისეთი,“ – ამბობს ლენუკა ყიფშიძე.
